شنوّه نحب انا؟

 نعدي حياتي و انا نبني في روحي قلب و قالب هاني جنّان نزرع و  هاني نجار نعمل في البيبان و الشبابك هاني لحام بناي دهان سبع صنايع و البخت ضايع كما يقولوا... وقتي الكل و انا نهندس نلوج عالضوء بش نحل عليه شبابكي و القلب بش نحلو البيبان كما هاك الشجره اللي اتبع في الشمس بش يشتد عودها و تعلى و تينع و تثمر .  الحاصيلو يقول القايل انا الشاف دوفر متع روحي اما هاك الاسئله اللي يدخلو في حيط ما اكثرهم :
شنحب انا؟
شبيني انا؟
شبيهم الناس هكا؟
زعما مني و نعاود نبني؟ ولا نصحح راسي و نقعد فيها  وحدي؟ لا لازم ديما نبدل؟ بالكشي  بنيت روحي على قياسي كيما انا و نحب شوف في روحي في عينين اخرى؟
ايا اخزر للمرايا و لوّج على روحك و شوفها و خليك كيما انت؟ و ما تنساش ،
اش تحب انت!  ا