الصندوق

نقربوا بش نبعدوا، ندخلوا بش نخرجوا، نبنيوا بش نهدّوا، نهاجموا بش ندافعوا، نشعلوا بش نطفيوا، نكذبوا بش نصدقوا،... هذه هي الدنيا حاله من الاضطرابات تناقضات و كيما تقولوا خلابيزه بلابيزه.
ايه شتعمل انا؟
شنحب انا؟
نهرب؟ نشق برور و بحور فماش ما الأيام ادور و تزهى الأمور و تتبسم العيون... تحن القلوب و نرجع، متوحشتها و متوحشتني جايتني تجري تحضني تنسيني في اللي يبكي و تسعدني و تاملني باللي يهني و يخليلي قلبي يبقى و يتهنى. نخزرلها خزرة صغير لامو يلوج في كلمه تهنيه و اطمنو ...
نقوم و نقول وينو هاك الصندوق تعبى يزيه سكر عليه مليح مليح و خطوه خطوه تبعد عليه تنسى اللي فيه و تشوف اللي كان مخبيه وراه سماء قداه كبيره و بحر قداه غارق تجبد نفس و ترمي روحك تعوم في الدنيا بحلاوتها و مرارتها و تشوف روحك و تقول محلاني هكا لازم تكون أيامي، كل شي فاني اما قلبي... جنينه خدمتها و سقيتها عرقتني و تعبتني فهمتها و عطيتها دحنست علاها بستها و
عنقتها خضارت و نورت و هبت نسمه حنينه اييه قداه بنينه فاوحه فارحه فل و ياسمين ... الوان و احلام تشطح على احلى الحان تزرعلنا امال تنسينا في الام
يا جنينتي
يا قلبي
نسقيك دمي، تنسيني همي انحلوا البيبان و تزهى الأيام و الدنيا للعوّام ...   ن